नेकपा एमालेको सचिवालय बैठक च्यासलमा

अनलाइन नेपाल

शनिवार , माघ ३, २०८२

काठमाडौं । नेकपा एमालेको सचिवालय बैठक पार्टी मुख्यालय च्यासलमा जारी छ ।

आसन्न निर्वाचनका लागि उम्मेदवार तय गर्ने मुख्य एजेन्डासहित बैठक बोलाइएको हो ।

पार्टीले यसअघि नै जिल्ला कमिटी र प्रदेश कमिटीबाट निर्वाचनका लागि उम्मेदवार चयनसम्बन्धी सिफारिस प्राप्त गरिसकेको छ ।

जसअनुसार अध्यक्ष केपी शर्मा ओलीसहित करिब ३५ जना नेताको नाम सर्वसम्मत सिफारिस भएको छ । ती सिफारिसका आधारमा सचिवालय बैठकमा छलफल गरी अन्तिम टुंगो लगाउने तयारी रहेको बताइएको छ ।

प्रतिनिधिसभा निर्वाचनको मतदान २१ फागुनमा हुँदैछ ।

यसका साथै बैठकमा कांग्रेस विभाजनलगायत समसामयिक राजनीतिक विषयमा पनि छलफल हुने एमाले प्रचार तथा प्रकाशन विभाग प्रमुख मीन शाहीले जानकारी दिए ।

पार्टीको आगामी रणनीति र चुनावी तयारीलाई थप व्यवस्थित बनाउने विषयमा समेत बैठक केन्द्रित रहेको जनाइएको छ ।

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

नेकपा एमालेको सचिवालय बैठक च्यासलमा