Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बुधवार , फाल्गुण ६, २०८२
धनगढी । कैलालीका विभिन्न स्थानबाट खैरो हेरोइन जस्तो देखिने लागूऔषधसहित प्रहरीले मंगलबार ७ जनालाई पक्राउ गरेको छ ।
लागूऔषध नियन्त्रण अभियानअन्तर्गत विभिन्न स्थानमा चेकजाँच तथा विशेष सूचनाका आधारमा संयुक्त टोली परिचालन गरी उनीहरूलाई नियन्त्रणमा लिइएको हो ।
धनगढी उपमहानगरपालिका–१ पुष्पलाल चोक नजिकको भित्री सडकखण्डबाट ३ ग्राम ९९० मिलिग्राम खैरो हेरोइन जस्तो देखिने धुलो पदार्थसहित कञ्चनपुरको भीमदत्त नगरपालिका–१९ बागफाटा घर भई हाल धनगढी–१ बस्दै आएका २७ वर्षीय सुनिल चौधरी पक्राउ परेका छन् ।
वडा प्रहरी कार्यालय धनगढी तथा लागूऔषध नियन्त्रण ब्यूरो शाखा कार्यालय महेन्द्रनगरबाट संयुक्त रूपमा खटिएको टोलीले शंकाका आधारमा चेकजाँच गर्दा उक्त पदार्थ बरामद गरेको हो।
त्यसैगरी धनगढी उपमहानगरपालिका–१३ बाट १७० मिलिग्राम खैरो हेरोइन जस्तो देखिने पदार्थसहित सोही स्थानका २७ वर्षीय बलबहादुर चौधरी पक्राउ परेका छन्। प्रहरी चौकी कैलालीगाउँबाट खटिएको टोलीले चेकजाँचका क्रममा उनलाई नियन्त्रणमा लिएको जनाएको छ।
यस्तै, बर्दगोरिया गाउँपालिका–२ बौनियाँगाउँबाट १ ग्राम २७० मिलिग्राम लागूऔषधसहित स्थानीय २७ वर्षीय सुनिलकुमार चौधरी र २७ वर्षीय रति राम थारु पक्राउ परेका छन् ।
इलाका प्रहरी कार्यालय सडकपुर बौनियाँबाट खटिएको टोलीले शंकाका आधारमा चेकजाँच गर्दा लागूऔषध फेला परेको बताएको छ।
धनगढी–१३ राजपुरबाट २७० मिलिग्राम खैरो हेरोइन जस्तो देखिने पदार्थसहित गोदावरी नगरपालिका–३ बस्ने २४ वर्षीय बिनोद ओड पक्राउ परेका छन्। जिल्ला प्रहरी कार्यालय कैलालीबाट खटिएको टोलीले उनलाई नियन्त्रणमा लिएको हो।
यसैगरी गोदावरी नगरपालिका–३ ग्यास कम्पनी नजिकबाट ७५० मिलिग्राम खैरो हेरोइन जस्तो देखिने पदार्थ र नापतौल गर्ने तराजुसहित २७ वर्षीय अनुज रावत तथा गोदावरी–११ बस्ने २७ वर्षीय मोहन वडैला पक्राउ परेका छन् ।
लागूऔषध कारोबार भइरहेको विशेष सूचनाका आधारमा जिल्ला प्रहरी कार्यालय कैलाली, इलाका प्रहरी कार्यालय मालाखेती तथा लागूऔषध नियन्त्रण ब्यूरो शाखा कार्यालय धनगढीबाट संयुक्त रूपमा खटिएको टोलीले चेकजाँच गर्दा पदार्थ र तराजु बरामद गरेको जनाएको छ ।
© 2026 All right reserved to onlinenepal.com
Design & Developed By
