रवि लामिछानेको मुद्दा आज पनि हेदहिर्देमा

अनलाइन नेपाल

मंगलवार , चैत्र १०, २०८२

रवि लामिछानेको मुद्दा आज पनि हेदहिर्देमा

काठमाडौं। सर्वोच्च अदालतले राष्ट्रिय स्वतन्त्र पार्टी (रास्वपा)का सभापति रवि लामिछानेको मुद्दामा सुनुवाइ नसकिएपछि मंगलबार पनि हेर्दाहेर्दैमा राखेको छ।

न्यायाधीशद्वय विनोद शर्मा र अब्दुल अजिज मुसलमानको संयुक्त इजलासले सुनुवाइ नसकिएपछि हेर्दाहेर्दैमा राखेको हो।

सहकारी ठगीसँगै दायर भएको संगठित अपराध र सम्पत्ति शुद्धीकरण मुद्दाको अभियोगपत्र फिर्ताविरुद्धको रिटबारे अब बुधबार सुनुवाइ हुनेछ।

हिजो पनि न्यायाधीशद्वय शर्मा र मुसलमानको संयुक्त इजलासले उक्त मुद्दाहेर्दाहेर्दैमा रराखेको थियो ।

यसअघि ५ चैतमा न्यायाधीशद्वय शारंगा सुवेदी र सुनीलकुमार पोखरेलको संयुक्त इजलासले लामिछानेसहितको मुद्दा संशोधनको निर्णय सच्चाइएको फाइल झिकाउन आदेश दिएकोमा महान्यायाधिवक्ताको कार्यालयले आइतबार सर्वोच्च अदालतको मागअनुरूप लामिछानेको मुद्दा फिर्ता गर्ने निर्णय संशोधनसम्बन्धी फाइल सर्वोच्च अदालतमा पेस गरेको थियो । यसैलाई लिएर आजबाट पुनः सुनुवाइ भएको हो ।

गएको पुस ३० गते महान्यायाधिवक्ता सविता भण्डारीले लामिछानेमाथि कास्की, काठमाडौं, रुपन्देही र पर्सा जिल्ला अदालतमा विचाराधीन रहेको सहकारी ठगीसँगै संगठित अपराध र सम्पत्ति शुद्धीकरणको दाबी हटाउने गरी अभियोगपत्र सच्याउन जिल्ला सरकारी वकिल कार्यालयलाई निर्देशन दिएकी थिइन् ।

यद्यपी। जिल्ला सरकारी वकिल कार्यालयले मुद्दा फिर्ता (अभियोग संशोधन)को निवेदन अदालतमा पेश गरे पनि जिल्ला अदालतले सर्वोच्चमा रहेको यो मुद्दाको टुंगो नलागेसम्म कुनै निर्णय नगर्ने भनेका छन्।

सो निर्णयविरुद्ध वरिष्ठ अधिवक्ता दिनेश त्रिपाठी, कानुनका विद्यार्थी आयुष बडाल र युवराज पौडेल ‘सफल’ ले ४ माघमा छुट्टाछुट्टै रिट निवेदन दर्ता गरेका थिए।

रिटमा महान्यायाधिवक्ता कार्यालय,विभिन्न सरकारी वकिल कार्यालय, प्रधानमन्त्री तथा मन्त्रिपरिषद कार्यालय समेतलाई रिटमा विपक्षी बनाइएको छ ।

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

रवि लामिछानेको मुद्दा आज पनि हेदहिर्देमा