काठमाडौं । नेपाल सरकारले प्रशासनिक पुनर्संरचना अन्तर्गत २५ जना सहसचिवको सरुवा गरेको छ ।
बिहीबार बसेको मन्त्रिपरिषद्को बैठकले विभिन्न मन्त्रालय तथा निकायमा कार्यरत सहसचिवहरूको जिम्मेवारी हेरफेर गर्ने निर्णय गरेको हो ।
सरकारको निर्णयअनुसार सरुवा गरिएका २५ मध्ये २० जना सहसचिवलाई प्रदेश तहमा खटाइएको छ ।
प्रदेशगत रूपमा पाँच जनालाई मधेश प्रदेश, पाँच जनालाई लुम्बिनी प्रदेश, चार जनालाई बागमती प्रदेशमा पठाइएको छ ।
त्यसैगरी दुई–दुई जनालाई कोशी प्रदेश र गण्डकी प्रदेशमा सरुवा गरिएको छ भने एक–एक जनालाई कर्णाली प्रदेश र सुदूरपश्चिम प्रदेशमा खटाइएको छ ।

