Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
शुक्रवार , बैशाख १८, २०८३
काठमाडौं । रोल्पाको थवाङ गाउँपालिका–१ जलजला भन्ने ठाउँमा भएको जीप दुर्घटनामा ज्यान गुमाउनेमध्ये ७ जना एउटै परिवारका सदस्यहरू रहेको खुलेको छ ।
रुकुमपूर्वको सिस्ने गाउँपालिका–५ टाकुराका एकै परिवारका ७ जनाको घटनास्थलमै मृत्यु भएको वडाध्यक्ष बीरेन्द्र बस्नेतले जानकारी दिए ।
दुर्घटनामा परेर २० जनाले ज्यान गुमाएका थिए । तीमध्ये ९ जना दाङका व्यक्ति रहेको वडाध्यक्ष बस्नेतले बताए ।
९ जना सिस्ने–५ टाकुराका र एक जना भूमे गाउँपालिका–५ का व्यक्ति रहेको उनले बताए । उनका अनुसार, एकै परिवारका दुई दाजुभाइका ७ जनाले दुर्घटनामा ज्यान गुमाएका हुन् ।
वडाध्यक्ष बस्नेतले भने–‘दाजुको परिवारको छोरो, बुहारी, श्रीमती र नाती गरेर ४ जना तथा उहाँकै भाइ साइँलाको श्रीमती, छोरी र छोरो पनि दुर्घटनामा पर्नुभएको छ ।
उनका अनुसार, मृतकहरूको नाम संकलन हुँदैछ ।
जीप करिब ८ सय मिटर तल झरेको थियो । बिहीबार पानी परेकाले र रात परेपछि खोज तथा उद्धार स्थगित गरिएको थियो । शुक्रबार बिहानैबाट सुरक्षाकर्मीसहितको पहलमा उद्धार गरेर अहिले थवाङतर्फ शव ल्याउन लागिएको हो ।
दुर्घटनास्थल पुगेका सेना, सशस्त्र प्रहरी, नेपाल प्रहरी र स्थानीयले बिहीबार राती यत्रतत्र छरिएका शवलाई दुईस्थानमा जम्मा गरेका थिए । एक स्थानमा ८ र अर्को स्थानमा १२ शव राखेर रातभर शव कुर्नुपरेको थियो ।
रुकुमपूर्वबाट थवाङ गाउँपालिका–१ जलजलातर्फ जाँदै गरेको लु १ ज ४१६७ नम्बरको बोलेरो जीप बिहीबार दिउँसो दुर्घटना भएको थियो । मृत्यु हुनेमा १२ जना महिला, ४ जना पुरुष र ४ जना बालक छन् । पूर्वी रुकुम सिस्ने गाउँपालिका(५ टाकुराबाट जीप रिजर्भ गरी आएका तिर्थालु दुर्घटनामा परेका थिए ।
रुकुमपूर्व सिस्ने गाउँपालिका–५ का ३२ वर्षीय समिर कामी घाइते छन् । उनलाई राति नै अस्पताल लगिएको थियो ।
बैशाख १८ गते जलजलामा हुने बाह्र भाई बराह र बाईस बहिनी बजुको पुजाआजाका लागि उनीहरू आएका थिए । जलजला यस क्षेत्रको ठूलो धार्मिकस्थल हो ।
© 2026 All right reserved to onlinenepal.com
Design & Developed By
