ओलीले गरे जस्तै जालझेल बालेनले पनि गर्दै हुनुहुन्छ, विगतमा रोके पनि अहिले सकेनौं : गगन थापा

'संवैधानिक परिषद्‌माथि आफ्नो नियन्त्रण राख्न संसद् स्थगित गरेर अध्यादेश ल्याइएको हो'

अनलाइन नेपाल

बुधवार , बैशाख २३, २०८३

ओलीले गरे जस्तै जालझेल बालेनले पनि गर्दै हुनुहुन्छ, विगतमा रोके पनि अहिले सकेनौं : गगन थापा

काठमाडौं । नेपाली कांग्रेसका सभापति गगनकुमार थापाले आफु निकटलाई प्रधानन्यायाधीश बनाउन प्रधानमन्त्री बालेन शाहले संवैधानिक परिषद्सम्बन्धी अध्यादेश ल्याएको आरोप लगाएका छन् ।

बुधबार सिंहदरबास्थित कांग्रेस संसदय दलको बैठकपछि सञ्चारकर्मीहरुसँग कुराकानीमा गर्दै उनले यस्तो आरोप लगाएका हुन् ।

उनले भने- 'संवैधानिक परिषद्‌माथि आफ्नो नियन्त्रण राख्न संसद् स्थगित गरेर संवैधानिक परिषद्सम्बन्धी अध्यादेश ल्याइएको हो । सबै प्रपञ्च रचिएको छ ।अगाडिको प्रधानमन्त्रीले ठ्याक्कै यही गर्नुभएको हो, ‘त्यो बेला हामीले रोक्यौं । अहिले हामीले रोक्न सकेनौं ।'

सभापति थापाले नेकपा एमालेका अध्यक्ष ओलीले सरकारको नेतृत्व हुँदा आफ्ना मान्छे नियुक्तिका लागि गरेको जालझेल जस्तै प्रधानमन्त्री बालनेले पनि गरेको दाबी गरेका छन् ।

तर विगतका प्रधानमन्त्री पनि प्रयास गरेको भए पनि आफूहरूले रोकेको भए पनि अहिले नसकेको बताए।

साथै प्रधानमन्त्रीले आफ्नो खल्तीबाट झिकेको नाम प्रधानन्यायाधीश बनाउनेको लागि भोलि बैठक राखेको बताए।

उनले थप भने- 'आफूले प्रस्ताव गरेको प्रधानन्यायाधीश पारित गराउन भोलि संवैधानिक परिषदको बैठक राखेको छ । प्रधानमन्त्री, सभामुख र भोलि कानूनमन्त्री आउनुहुन्छ। कानूनमन्त्री आइसकेपछि तीन जनाले पारित गरेपछि बहुमत हुन्छ।’

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

ओलीले गरे जस्तै जालझेल बालेनले पनि गर्दै हुनुहुन्छ, विगतमा रोके पनि अहिले सकेनौं : गगन थापा