Jul 21 2026 | २०८३, श्रावण ५ गते
21 Jul 2026 | मंगलवार, श्रावण ५ गते २०८३
मंगलवार, श्रावण ५ गते २०८३
Jul 21 2026 | २०८३, श्रावण ५ गते
21 Jul 2026 | मंगलवार, श्रावण ५ गते २०८३
आइतवार , जेठ १०, २०८३
काठमाडौं । नेकपा एमालेको सचिवालयको आठौं बैठक आज पनि बस्दैछ । अध्यक्ष केपी शर्मा ओली निवास गुण्डुमा बिहान ११ः३० बजे बैठक बस्न लागेको हो ।
बैठकमा अझै चार सचिवहरूको धारणा आउन बाँकी रहेको नेताहरूले बताएका छन् । सचिवहरू शेरधन राई, भानुभक्त ढकाल, राजन भट्टराई र खगराज अधिकारीले आफ्नो धारणा राख्न बाँकी रहेको जनाइएको छ ।
६ महिनाअघि सम्पन्न ११औं महाधिवेशनबाट शक्तिशाली बनेका अध्यक्ष ओली अहिले भने आफ्नै सचिवालय बैठकमा दबाबमा परेका छन् ।
१९ सदस्यीय सचिवालयमा हालसम्म १० जना सदस्यहरूले पार्टी पुनर्गठनको पक्षमा धारणा राखिसकेको नेताहरूको दाबी छ। निर्वाचनमा गम्भीर धक्का व्यहोरेको भन्दै अधिकांश नेताहरूले नेतृत्व पुनर्संरचनाको आवश्यकता औंल्याएका छन्।
उपमहासचिव योगेश भट्टराई लगायत केही नेताहरूले अध्यक्ष ओलीको राजीनामासम्मको माग उठाएका छन्।
विगतमा ओली पक्षधर मानिएका उपाध्यक्ष विष्णु पौडेल, पृथ्वीसुब्बा गुरुङ तथा महासचिव शंकर पोखरेल ले समेत पार्टी पुनर्गठनमा जोड दिएका छन्।
हालसम्म उपाध्यक्ष रामबहादुर थापा र सचिव महेश बस्नेत मात्रै खुलेर ओलीको पक्षमा उभिएको नेताहरूको भनाइ छ।
उपमहासचिव लेखराज भट्टले पुनर्गठन गर्ने भए ६० वर्षमाथिका सबै नेताले बिदा लिनुपर्ने चुनौती दिएका छन् ।
© 2026 All right reserved to onlinenepal.com
Design & Developed By
