Jul 05 2026 | २०८३, आषाढ २१ गते
05 Jul 2026 | आइतवार, आषाढ २१ गते २०८३
आइतवार, आषाढ २१ गते २०८३
Jul 05 2026 | २०८३, आषाढ २१ गते
05 Jul 2026 | आइतवार, आषाढ २१ गते २०८३
आइतवार , आषाढ २१, २०८३
धनकुटा । गृहमन्त्री सुधन गुरुङले धनकुटाको दुईदिने भ्रमणका क्रममा सरकारी सेवा प्रवाहको वास्तविक अवस्था बुझ्न सेवाग्राहीसँग प्रत्यक्ष फोन सम्पर्क गर्दै प्रहरी प्रशासन र सरकारी कार्यालयको कामकारबाहीबारे जानकारी लिएका छन् ।
शनिबार र आइतबार धनकुटामा रहेका गृहमन्त्री गुरुङले जिल्ला प्रशासन कार्यालय र जिल्ला प्रहरी कार्यालयको निरीक्षण गर्दै विशेषगरी मुद्दा फाँट, सुशासन र न्याय सम्पादनसँग प्रत्यक्ष सरोकार राख्ने शाखाहरूको अवस्था मूल्यांकन गरेका हुन् ।
निरीक्षणका क्रममा उनले सेवाग्राहीसँग फोनमार्फत प्रत्यक्ष प्रतिक्रिया लिँदै कर्मचारी र प्रहरीको व्यवहार, सेवा प्रवाहको गुणस्तर तथा जनगुनासोबारे जानकारी लिएका थिए।
निरीक्षणपछि गृहमन्त्रीले प्रमुख जिल्ला अधिकारी रुद्रादेवी शर्मासहित नेपाल प्रहरी, सशस्त्र प्रहरी र राष्ट्रिय अनुसन्धान विभागका जिल्ला प्रमुख तथा विभिन्न सरकारी कार्यालयका प्रमुख र कर्मचारीलाई सेवा प्रवाहलाई थप छिटो, प्रभावकारी र नागरिकमैत्री बनाउन निर्देशन दिए।
उनले नागरिकलाई अनावश्यक झन्झट नदिई पारदर्शी र जवाफदेही ढंगले सेवा उपलब्ध गराउन जोड दिएका थिए।
विद्यालय तहको अध्ययनका क्रममा केही वर्ष धनकुटामा बसेका गुरुङले भ्रमणका अवसरमा आफ्ना पुराना शिक्षक, साथीभाइ र आफन्तसँग भेटघाट गरेका थिए। उनले धनकुटाको प्रसिद्ध निशान मन्दिरमा दर्शन गर्नुका साथै जिल्ला सुरक्षा समितिसँग सुरक्षा अवस्थाबारे छलफल गर्दै आवश्यक निर्देशनसमेत दिएका थिए।
© 2026 All right reserved to onlinenepal.com
Design & Developed By
