Jul 19 2026 | २०८३, श्रावण ३ गते
19 Jul 2026 | आइतवार, श्रावण ३ गते २०८३
आइतवार, श्रावण ३ गते २०८३
Jul 19 2026 | २०८३, श्रावण ३ गते
19 Jul 2026 | आइतवार, श्रावण ३ गते २०८३
आइतवार , श्रावण ३, २०८३
काठमाडौं । फ्रान्सका कप्तान किलियन एमबाप्पेले फिफा विश्वकप–२०२६ मा अर्को ऐतिहासिक उपलब्धि हासिल गर्दै प्रतियोगिताका सर्वाधिक गोलकर्ता बनेका छन् ।
इंग्ल्यान्डविरुद्ध तेस्रो स्थानका लागि भएको खेलमा दुई गोल गरेसँगै उनले जारी विश्वकपमा आफ्नो गोल संख्या १० पुर्याएका हुन्।
यद्यपि फ्रान्स ६–४ गोलअन्तरले इंग्ल्यान्डसँग पराजित हुँदै चौथो स्थानमा सीमित रह्यो, एमबाप्पेले भने व्यक्तिगत प्रदर्शनमार्फत नयाँ कीर्तिमान कायम गरे।
इंग्ल्यान्डविरुद्धको खेलमा थपिएका दुई गोलसँगै एमबाप्पेको विश्वकप करियरको कुल गोल संख्या २२ पुगेको छ। तीन संस्करणको विश्वकपमा उनले यो उपलब्धि हासिल गर्दै विश्वकप इतिहासका सर्वाधिक गोलकर्ताको सूचीमा अर्जेन्टिनाका कप्तान लियोनल मेसीलाई पछि पारेका छन्।
मेसीको नाममा हाल २१ विश्वकप गोल छन्। यद्यपि उनले स्पेनविरुद्धको फाइनल खेल खेल्न बाँकी रहेकाले आफ्नो गोल संख्या अझै बढाउने अवसर कायम छ।
जारी विश्वकपमा पनि एमबाप्पेले १० गोल गर्दै गोल्डेन बुटको दौडमा अग्रता लिएका छन्। मेसीले हालसम्म ८ गोल गरेका छन् र फाइनलमा उत्कृष्ट प्रदर्शन गरे मात्रै एमबाप्पेसँगको दूरी घटाउन सक्नेछन्।
विश्वकपमा सर्वाधिक गोल गर्ने खेलाडीलाई प्रदान गरिने प्रतिष्ठित व्यक्तिगत पुरस्कार ‘गोल्डेन बुट’ जित्ने दौडमा एमबाप्पे सबैभन्दा बलिया दाबेदारका रूपमा देखिएका छन्। उनले यसअघि सन् २०२२ को विश्वकपमा पनि गोल्डेन बुट जितेका थिए।
© 2026 All right reserved to onlinenepal.com
Design & Developed By
