काठमाडौं । नेपालमा कोरोना भाइरसकाे संक्रमणबाट थप ११ जनाको मृत्यु भएको छ । याेसँगै नेपालमा कोरोना संक्रमणबाट मृत्यु हुनेको संख्या २३९ पुगेको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले जानकारी दिए । मृत्यु हुनेमा महोत्तरीकी एक ४ वर्षीया बालिका र अन्य १० जना पुरुषहरु रहेका छन् ।

महोत्तरीका ३७ वर्षीय पुरुष, सिरहाको ६५ वर्षीय पुरुष, पर्साको ३ जना ५३, ८० र ६० वर्षीय पुरुषहरु रहेका छन् । त्यस्तै बाराका ६० वर्षीय, चितवनका ५२ वर्षीय पुरुष, काठमाडौंका ७० र ३५ वर्षीय पुरुष र मकवानपुरका ५८ वर्षीय पुरुष रहेका मन्त्रालयले जनाएकाे छ ।