सिन्धुली । नेपाल कम्युनिष्ट पार्टी (नेकपा) प्रचण्ड–नेपाल समूहका अध्यक्ष पुष्पकमल दाहाल ‘प्रचण्ड’ले केपी शर्मा ओलीले शक्ति दुरुपयोग गर्दै संविधान, लोकतन्त्र र संघियता माथि प्रतिगमनकारी कदम चालेको बताएका छन् ।

शनिबार सिन्धुलीको कपिलाकोट गाउँपालिकाको प्रशासकीय भवनको उद्घटन गर्ने क्रममा अध्यक्ष दाहालले ओलीको प्रतिगामी कदम छिट्टै परास्त हुने समेत ठोकुवा गरे ।

कार्यक्रममा बोल्दै दाहालले यस्तो कदम अब धेरै दिन नटिक्ने पनि बताए ।

उनले भने–‘ओली सरकारले संविधान र लोकतन्त्रको मुल मर्ममाथि प्रहार हुने गरी प्रतिमगनकारी कदम चालेका छन् । मलाई के विश्वास छ भने छिट्टै प्रतिगामी कदम परास्त हुनेछ । नेपाली जनताको बलिदानीको उपलब्धीको रुपमा आएको संविधान र लोकतन्त्र ट्रयाकमा आउने छ ।’