नेपालगन्ज । बाँकेको नेपालगञ्जमा आज मध्यरातिदेखि एक साताका लागि लकडाउन गरिएको छ । नेपालगञ्ज उपमहानगर क्षेत्रभरी लकडाउन गर्ने निर्णय गरिएको हो।

प्रमुख जिल्ला अधिकारी शिवराम गेलालले वैशाख ८ गते मध्यरातिदेखि वैशाख १५ गते मध्यरातिसम्म लकडाउन गरिने जानकारी दिए ।

बाँकेमा आज बिहानसम्म सक्रिय संक्रमितको संख्या ७३५ पुगेको छ । अस्पतालहरु बिरामीले भरिएका छन् । अवस्थालाई हेरी लकडाउन गर्नु परेको गेलाले बताए।

लकडाउनमा अत्यावश्यक सवारी साधनबाहेक अन्य सबै सेवा सञ्चालनमा रोक लगाइएको छ। अत्यावश्यक काम बाहेकको हिँड्डुलमा समेत प्रतिबन्ध लगाइएको छ ।