काठमाडौँ। नेपाल कम्युनिष्ट पार्टी (नेकपा) एमालेका अध्यक्ष तथा प्रधानमन्त्री केपी शर्मा ओलीले पार्टी स्थायी कमिटी बैठक बोलाएका छन्।

बैठक आज साँझ ५ बजे प्रधानमन्त्री निवास बालुवाटारमा बस्ने गरी बोलाइएको पार्टी कार्यालय सचिव शेरबहादुर तामाङले जानकारी दिए।

तामाङका अनुसार आजको बैठकमा विशेष गरी बजेटको समीक्षा तथा पार्टीको आन्तरिक गतिबिधिबारे छलफल हुने छ।

यसअघिको बैठकले १२ जना सांसदलाई स्पष्टीकरण सोधेको बताउँदै उनले आजको बैठकमा ती सांसदलाई गरिने कारबाहीबारे केही निर्णय हुन सक्ने उनको भनाइ छ।

स्पष्टीकरण सोधिएकाहरुमा घनश्याम भूसाल, सुरेन्द्र पाण्डे, विरोध खतिवडा, जीवनराम श्रेष्ठ, सोमप्रसाद पाण्डे, कृष्णलाल महर्जन, झपट रावल, भवानी प्रसाद खापुङ, यज्ञ सुनुवार, मेटमणि चौधरी, दिपकप्रकाश भट्ट र नारायण खतिवडा रहेका छन्।