काठमाडौं । च्याम्पियन्स लिगको राउन्ड अफ–१६ को ड्र सार्वजाजिक भएको छ । यूईएफएले सोेमबार सार्वजानिक गरेको ड्र अनुसार पेरिस सेन्ट जर्मन (पीएसजी) र म्यान्चेस्टर युनाइटेड अन्तिम १६ मा भिड्ने भएका छन्।

यससँगै क्रिस्टियानो रोनाल्डो र लियोनेल मेसीबीच प्रतिस्पर्धा हुने भएको छ। गत सिजन मेसी र रोनाल्डो च्याम्पियन्स लिगको समुह चरणमा आमने सामने भएका थिए।

दुवै टोली २०१९ को च्याम्पियन्स लिगमा अन्तिम १६ मै आमने सामने भएका थिए। यस्तै अन्तिम १६मा बेनफिका र रियाल मड्रिड, भिल्लारियल र म्यान्चेस्टर सिटी, एथलेटिको मड्रिड र बार्यन म्युनिख, साल्जवर्ग र लिभरपुल, इन्टर मिलान र आयाक्स, स्पोटिङ लिजवन र युभेन्टस तथा चेल्सी र लिले भिड्ने भएका छन्।

अन्तिम १६ अन्तर्गत पहिलो लेग फेबुअरी १५/१६ र २२/२३ मा तथा मार्च ८/९ र १५/१६ मा हुनेछ । यस्तै, क्वाटरफाइनलको ड्र १८ मार्चमा हुनेछ।