काठमडौं । झापाको वुद्धशान्ति गाउँपालिकामा नेपाली कांग्रेस विजयी भएको छ ।

कांग्रेसबाट गाउँपालिका अध्यक्षमा मनोज प्रसाई निर्वाचित भएका हुन् । प्रसाईंले ११ हजार ४०३ मत ल्याए । निकटतम प्रतिस्पर्धी एमालेबाट उमेदवार मीरा भूर्तेलले ८ हजार ३०२ मत प्राप्त गरेकी छन् ।

उपाध्यक्षमा भने एमालेबाट भवानीप्रसाद खतिवडा विजयी भए । उनले ८ हजार ७४ मत प्राप्त गरेका छन् ।

गठबन्धनबाट माओवादी केन्द्रका खड्गबहादुर तिम्सिनाले ५ हजार २१६ मत प्राप्त गरे । यो कांग्रेस महामन्त्री विश्वप्रकाश शर्माको निर्वाचन क्षेत्र पनि हो ।