एजेन्सी । दक्षिणी इथियोपियामा कम्तीमा १३ जना बालबालिकाको भोकमरीकै कारण मृत्यु भएको छ ।
निरन्तर खडेरी र द्वन्द्वको मारमा परेको दक्षिणी इथियोपियामा बालबालिकाको भोकमरीका मृत्यु भएको स्थानीय निकायले जनाएको छ ।
कोन्सो जिल्लाको एकजना सरकारी अधिकारीले यस घटनाको औपचरिक पुष्टि गरेका छन् । उनले लगातार बाली असफल भएपछि थुप्रै मानिस आफ्ना घर र खेतबारीबाट टाढिन बाध्य भएको बताएका छन् ।
उनले सो जिल्लामा कुपोषणको शिकार भएका बालबालिकाको संख्या बढिरहेको बताएका छन् । कुपोषित मध्ये २४० जना भन्दा बढी बालबालिकालाई अस्पतालमा भर्ना गरिएको छ ।
Leave a Reply