काठमाडौं । राष्ट्रिय प्रजातन्त्र पार्टी (राप्रपा)ले मोरङ क्षेत्र नम्बर ३ बाट अभिनेत्री रेखा थापालाई उम्मेदवारका रूपमा सिफारिश गरेको छ ।

अभिनेत्री समेत रहेकी नेत्री थापाले चुनावी अभियान समेत शुरू गरेकी छिन् ।

उनको घर मोरङ क्षेत्र नम्बर ३ अन्तर्गत सुन्दरहरैचा नगरपालिकाको सलकपुरमा पर्छ ।

मंगलवार मोरङको कानेपोखरीमा आयोजित सभामा बोल्दै थापाले चुनावी अभियानमा होमिन कार्यकर्तालाई आह्वान गरिन् ।

मोरङको निर्वाचन क्षेत्र नम्बर ३ मा प्रत्यक्षतर्फ थापाको नाम सिफारिश भएको राप्रपा बेलबारीका अध्यक्ष नगेन्द्र कार्कीले बताए ।