स्याङ्जा । चितुवाको आक्रमणबाट स्याङ्जामा तीनजना घाइते भएका छन् । जिल्लाको वालिङ नगरपालिका-१२ का किसान न्यौपाने र – १४ की तुलसा पराजुली र लक्ष्मी पराजुली घाइते भएका हुन्।
उनिहरुलाई नगरपालिका-१४ कफ्लेटीमा बिहान करिब ९ बजेतिर चितुवाले आक्रमण गरेको थियो। चितुवालाई घरभित्रै थुनेर राखिएको छ।
कफ्लेटीस्थित खेतमा काम गरिरहेको अवस्थामा न्यौपानेलाई घाइते बनाएर भागेको चितुवा स्थानीय चण्डीप्रसाद पराजुलीको घरमा पसेको थियो।
घरभित्र बसेका तुलसा र लक्ष्मीमाथि चितुवाले आक्रमण गरेको थियो। घाइते भएकी तुलसाको अनुहारमा गहिरो चोट लागेको छ भने न्यौपानेको छाती तथा पाखुरामा चोट लागेको छ ।
घाइते तीनैजनालाई उपचारका लागि गह्रौं प्राथमिक अस्पताल वालिङमा प्राथमिक उपचारपछि थप उपचारका लागि गण्डकी मेडिकल कलेज पोखरा पठाइए प्रहरीले जनाएको छ।
अहिले उक्त ठाउँमा स्थानीयवासी, प्रहरी र इलाका वन कार्यालय वालिङबाट टोली पुगेको छ ।
Leave a Reply