काठमाडौं । भारतीय अभिनेता विवेक ओबरायले बिहीबार चन्द्रागिरिको भ्रमण गरेका छन् ।

अभिनेता ओबरोय पिता सुरेशसहित परिवारले नै पुगेर भालेस्वर मन्दिरको दर्शन गर्नुका साथै रिसोर्टमा लन्च गरेर फर्किएका हुन् ।

ओबरोय परिवारले चन्द्रगिरिमा करिब साढे २ घण्टा बिताएका थिए। उनी बिहीबार नै पोखरा जाने कार्यक्रम छ । बुधबार नेपाल आइपुगेका ओबरायले बिहान पशुपतिनाथको दर्शन गरेका थिए ।

अभिनेता ओबरायले प्याराग्लाइडिङ, बन्जीजम्प, धौलागिरि हिमालको अवलोकनसँगै म्याग्दीको घोरेपानी क्षेत्र घुम्ने कार्यक्रम छ ।