दार्चुला । दार्चुलामा तुइनबाट खसेर एक बालक वेपत्ता भएका छन् ।

स्थानीयका अनुसार ब्याँस गाउँपालिका–४ डोकटका १० वर्षिय बालक दिपेन्द्र विष्ट नेपालबाट भारत जाने क्रममा महाकाली नदीमाथि लगाइएको तुइनबाट खसेर बेपत्ता भएका हुन् ।

स्थानीयका अनुसार यो समयमा नेपालको ब्याँस गाउँपालिकाको सो क्षेत्रका स्थानीयहरु खर काट्न भारतको वनहरुमा जाने गरेका छन् ।

शुक्रबार बिहान खर काट्न भारततर्फको वनमा आमासंगै जानेबेला ती बालक तुइनबाट खसेको स्थानीयले बताएका छन्।

सो घट्नाबारे अहिले सम्म प्रहरीमा जानकारी नआएको जिल्ला प्रहरी कार्यालय दार्चुलाले जनाएको छ ।