काठमाडौं। कीर्तिमानी हिमाल आरोही कमिरिता शेर्पा २८ औं पटक सगरमाथा आरोहण गर्न सफल भएका छन् ।

मंगलबार बिहान २८ औं पटक सगरमाथा आरोहण गरेसँगै कमिरिताले विश्वकै अग्लो हिमाल सगरमाथामा सबैभन्दा धेरैपटक पुग्ने कीर्तिमान कायम गरेका हुन् ।

कामीरिता मंगलबार बिहान ९ बजेर २० मिनेटमा सगरमाथाको चुचुरोमा पुगेका थिए । बुधबार उनी २७ औं पटक सगरमाथा चुचुरोमा पुगेका थिए ।

तर सोलुखुम्बु पाङबोचेका पासाङ दावा शेर्पाले २७ औं पटक सगरमाथा चढेर कीर्तिमान बराबरी गरेपछि कामीरिताले आफ्नो नामको विश्व रेकर्ड कायमै राख्न २८ औं पटक सगरमाथा आरोहण गरेका हुन् ।