काठमाडौं । नेपाली राष्ट्रिय क्रिकेट टोलीका बलर सन्दीप लामिछानेको एकदिवसीय अन्तराष्ट्रिय (ओडिआई) तर्फको बलिङ वरीयतामा सुधार भएको छ ।

अन्तर्राष्ट्रिय क्रिकेट परिषद् (आईसीसी) ले सार्वजनिक गरेको नयाँ वरीयतामा सन्दीप १८ औं स्थानमा उक्लिएका छन्।

यसअघि सन्दीप १९ औं स्थानमा रहेका थिए । बलिङतर्फ नै सोमपाल कामी १ स्थान तल झरेर ६७ औं स्थानमा आइपुगेका छन् भने दीपेन्द्र सिंह ऐरी १ स्थान तल झरेर ५६ औं स्थानमा रहेका छन्। अर्का तीव्र गति बलर करण केसी ९१ औं स्थानमा यथावत रहेका छन् ।

त्यस्तै ब्याटिङतर्फ भने नेपाली राष्ट्रिय क्रिकेट टोलीका कप्तान रोहितकुमार पौडेलले आफ्नो दुई स्थान सुधार गरेका छन् । कप्तान रोहित नयाँ वरीगतामा ६६ औं स्थानमा रहेका छन् ।

पछिल्लो वरियता अनुसार नेपाल १४ औं स्थानमा कायमै रहेको छ ।