काठमाडौं । नेकपा एमालेका प्रमुख सचेतक पदम गिरीले क्विन्टल सुन तस्करीबारे छानबिन नहुँदासम्म संसद् चल्न नदिने बताएका छन् ।
प्रमुख सचेतक गिरीले सुन प्रकरणको छानबिन नभएसम्म सदनको अवरोध कायमै रहने बताएका हुन् । उनले सुन प्रकरणमा भरिया पक्राउ गर्ने र मालिक उम्काउने काम भइरहेको बताए।
सरकारले कसको सुन हो भनेर सार्वजनिक नगर्दासम्म सदन चल्ने अवस्था नरहेको प्रमुख सचेतक गिरीको भनाई छ । उनले सुन प्रकरणको छिनोफानो नभएसम्म सदन चल्न नसक्ने बताए ।
विमानस्थल बाहिरबाट ठूलो परिणामको सुन बरामद भएपछि एमालेले गृहमन्त्रीकै संलग्नता भएको आरोप लगाउँदै राजीनामा माग्दै आइरहेको छ ।
एमालेले गृहमन्त्रीले राजीनामा नदिएसम्म सदन चल्न नदिने अडान राखेको छ । सोमबार दिउँसो १ बजेका लागि बोलाइएको संसद बैठक अहिलेसम्म बस्न सकेको छैन।
Leave a Reply