कैलाली । कैलालीमा बाढीले बगाउँदा एक जनाको मृत्यु भएको छ । अविरल वर्षासँगै खुटिया खोलामा आएको बाढीले बगाएर एक जनाको मृत्यु भएको हो ।
मृत्यु हुनेमा गोदावरी नगरपालिका–९ धनचौरी बस्ने ४० वर्षीय रत्न प्रसाद भट्टराई छन् । भट्टराई साउन बुधबार खुटिया खोलामा दाउरा निकाल्न भन्दै गएका थिए ।
दाउरा निकाल्न गएका बेला उनलाई खोलामा आएको बाढीले बगाएको थियो । बाढीले बगाउँदा बेपत्ता भएका भट्टराई बिहीबार मृत फेला परेका हुन् ।
बुधबार उनलाई पानी जमेको खल्लामा मृत अवस्थामा फेला पारिएको जिल्ला प्रहरी कार्यालय कैलालीले जानकारी दिए ।
Leave a Reply