मुस्ताङ । मुस्ताङको कागखोलामा फेरि बाढी आएको छ ।

मुस्ताङ, वारागुङ गाउँपालिकाको माथिल्लो भेगमा पानी पर्दा कागखोलाको सहायक झोङ र मुक्तिनाथबाट बगेर आउने खोलामा बाढी आएको हो ।

प्रमुख जिल्ला अधिकारी अनुप केसीका अनुसार आइतबार राति पानी पर्दा कागखोलामा मिसिने माथिका दुई (झोङ र मुक्तिनाथ) खोलामा बाढी आएको थियो ।

बाढीले उपल्लो मुस्ताङ जोड्ने सडकमा क्षति पुर्‍याएको छ । मुक्ति क्षेत्र र झोङमा मध्यम वर्षा भएको बताइएको छ ।