काठमाडौं । सीके राउत नेतृत्वको जनमत पार्टीले उद्योग तथा बाणिज्य र श्रम तथा उपभोक्ता समितिको सभापतिमा अब्दुल खानलाई उम्मेदवार बनाएको छ ।

समितिको सभापतिको निर्वाचन सोमबार हुँदैछ। सभापति चयनको लागि आज अपरान्ह ४ बजेसम्म मनोनयनको समय राखिएको छ।

प्रतिनिधिसभाका १० वटा विषयगत समितिका सभापति चयन गर्न निर्वाचन हुन लागेको हो।

सत्तारुढ गठबन्धन र प्रमुख प्रतिपक्षी नेकपा एमालेबीच भएको भागबन्डा अनुसार उद्योग समितिको सभापति जनमतले पाएको हो।