कञ्चनपुर । कञ्चनपुरमा सामूहिक बलात्कारको आरोपमा प्रहरीले तीन युवकलाई पक्राउ गरेको छ ।

जिल्लाको दोधारा चाँदनी नगरपालिकामा १५ वर्षीया किशोरीलाई ललाई फकाई पटक पटक बलात्कार गरेको आरोपमा उनीहरुलाई आइतबार पक्राउ गरिएको हो ।

पक्राउ पर्नेमा दोधारा चाँदनी नगरपालिका ३ का १९ वर्षीय अरविन महता, १८ वर्षीय खेमसिंह साउँद र एक जना १७ वर्षीय किशोर रहेका छन् । उनीहरुलाई पीडित किशोरीको आमाको जाहेरीका आधारमा पक्राउ गरिएको जिल्ला प्रहरी कार्यालयका कञ्चनपुरले जनाएको छ ।

डीएसपी प्रकाश डांगीका अनुसार जाहेरीमा किशोरीमाथि दुई पटक सामूहिक बलात्कार भएको उल्लेख छ । उनीहरुमाथि प्रहरीले थप अनुसन्धान थालेको छ ।