सर्लाही । सर्लाही सदरमुकाम मलङ्वामा दुई युवती सामूहिक बालात्कृत भएकी छिन् ।

जिल्ला प्रहरी कार्यालय सर्लाहीका अनुसार मलङ्वाको एक कलेजमा अध्ययनरत युवतीहरू आफ्नै साथीबाट भदौ ३१ गते बालात्कृत भएकी हुन् ।

उनीहरुमाथि बालात्कार गरेको आरोपमा प्रहरीले दुई जनालाई प्रकाउ गरेको छ । पीडितले असोज ९ गते उजुरी दिएपछि धनुषाको अनिकित कुमार यादव र पर्सा जिल्लाका सुजित चौधरीलाई प्रकाउ गरेको प्रहरीले जनाएको छ । अर्का एक जना फरार छन्।

मलङ्वा-२ मा भाडा लिएर बस्दै आएका युवतीहरूलाई कोठामा भोज खानका लागि बोलाई बालात्कार गरेको उनीहरुमाथि आरोप छ । पक्राउ परेका दुई जनामाथि प्रहरीले अनुसन्धान थालेको छ ।