काठमाडौं । गायक योगेश वैद्यको ७७ वर्षको उमेरमा निधन भएको छ । गएराति साढे १२ बजेतिर उनको निधन भएको हो ।

बेलुकी स्वास्थ्यमा समस्या आएपछि उनलाई सुन्धारास्थित काठमाडौं भ्याली अस्पताल लगिएको थियो ।

त्यहीँ उनको निधन भएको हो । उनी लामो समयदेखि मधुमेह रोगबाट पीडित थिए।

उनका ‘सपना भुलाइ सारा आँसु पिएर जाऊ, ‘आखैँमा रात गले, बाटोमा हुरी चले’, ‘मेरो आँसुमा नहाँसे घायल यो दिल के हाँस्थ्यो’ नेपाल मेरो तिमीलाई लगायतका गीत चर्चित छन् ।

उनी नेपाल भाषाका पनि थुप्रै गीत गाएका थिए। पशुपति आर्यघाट शुक्रबार उनको अन्तिम संस्कार गरिने परिवारले जनाएको छ ।