सुनसरी । सुनसरी प्रहरीले सप्तकोशी नदीको किनारबाट ४०६ केजी लागूऔषध गाँजा लोड भएको बोलेरो गाडीसहित दुई जनालाई पक्राउ गरेको छ ।

सुनसरी बराहक्षेत्र नगरपालिका-९ राजाबाँसस्थित नदीको किनार मंगलबार बिहान उनीहरूलाई प्रहरीले दुई राउन्ड फायर गरेर पक्राउ गरेको हो ।

पक्राउ पर्नेमा धरान उप–महानगरपालिका ४ का २५ वर्षीय सूर्य राई र भोजपुर हतुवागढी-८ का २७ वर्षीय लक्ष्मण राई रहेका छन् ।

विशेष सूचनाको आधारमा प्रदेश ०१–०२–००१ ज ४०५० नम्बरको टाटा सुमो गाडीमा लोड गरी राखेको १३ बोरा गाँजा नियन्त्रणमा लिएको इलाका प्रहरी कार्यालय महेन्द्रनगरले जनाएको छ ।

नियन्त्रणमा लिइएको उक्त गाँजा ४०६ केजी ९४० ग्राम रहेको छ । पक्राउ परेकाहरू माथि जिल्ला अदालत सुनसरीबाट म्याद थप गरी प्रहरीले अनुसन्धान थालेको छ ।