गोरखा । ठूलो परिमाणमा लागूऔषध ओसारपसार गरिरहेका एकजना पक्राउ परेका छन् ।

इलाका प्रहरी कार्यालयले आबुँखैरेनीले रुपन्देही जिल्ला समरीमाई गाउँपालिका वडा नम्बर २ घर भएका ३६ वर्षीय सलिम धुनियालाई पक्राउ गरेको हो ।

मुग्लिनबाट आँबुखैरेनीतर्फ आउँदै गरेको ग २ ख २९६ नम्बरको बसमा चेकजाँच गर्ने क्रममा धुनियालाई आठसय ९४ थान लागुऔषधसहित पक्राउ गरिएको इलाका प्रहरी कार्यालय आँबुखैरेनी तनहूँले जनाएको छ ।

धुनियाको साथबाट प्रहरीले कालो झोलाभित्र लुकाएर ल्याएको फेनार्गन २९८ थान, बुप्रेनोर्फिन २९८ थान र डाइजेपाम २९८ थान गरी ८९४ थान लागुऔषध बरामद गरेको प्रहरीले जनाएको छ ।

धुनियालाई तनहूँ जिल्ला अदालतबाट ७ दिनको म्याद थप्ने अनुमति लिई थप अनुसन्धान भइरहेको बतायउको छ ।