एजेन्सी । म्यानचेस्टर सिटीले ब्रेन्टफोर्डमाथि संघर्षपूर्ण जित निकालेको छ ।

सो जितसँगै सिटी प्रिमियर लिगको शीर्ष स्थानमा रहेको लिभरपुलसँगको दुरी एक अंकमा झारेको छ ।

मंगलबार राति भएको खेलमा सिटी १–० गोलले विजयी भएको हो । सिटीका लागि अर्लिङ हालान्डले गरेको एक मात्र गोल खेलमा निर्णायक बन्यो ।

२५ खेलपछि सिटीको ५६ अंक रहेको छ । टोलीले आर्सनललाई उछिन्दै अंक तालिकामा दोस्रो स्थानमा उक्लिएको छ ।