पर्सा । पर्सा प्रहरीले वीरगन्जको नारायणी गेष्ट हाउसबाट दुई जनालाई १२ केजी २ सय ४० ग्राम चरेस सहित पक्राउ गरेको छ ।

पक्राउ पर्नेमा धादिङ गजुरी गाउँपालिका –८ का सुरेश तामाङ र भारत विहार सिवान जिल्ला बस्ने आरिफ राजा रहेका छन् ।

सिवान निवासी महमद आलमको बयानको आधारमा तामाङ र आरिफलाई पक्राउ गरिएको हो ।

शुक्रबार वीरगन्ज महानगरपालिका–१६ रजतजयन्ती चोक अगाडिको सडकखण्डमा जाँचको क्रममा आलमको साथबाट स्रोत नखुलेको दुई लाख ५० हजार रुपैयाँ बरामद भएको थियो ।

आलम सीमावर्ती भारतीय बजार रक्सौलबाट वीरगन्ज तर्फ आइरहेका थिए ।