चितवन । चितवनमा चट्याङ लागेर तीनजना घाइते भएका छन् ।
जिल्लाको इच्छाकामना गाउँपालिका–१ हात्तीवाङको सरलिङस्थित स्थानीय ५५ वर्षीय सोमबहादुर चेपाङको घरमा सोमबार राति ११ बजेको समयमा चट्याङ परेको हो ।
जिल्ला प्रहरी कार्यालयका अनुसार चट्याङबाट सोमबहादुर चेपाङका श्रीमती ५० वर्षीय सानुमाया चेपाङ, १० वर्षीय छोरी मनिषा र १२ वर्षीय छोरा रामबहादुर घाइते भएका छन् ।
सानुमाया तथा मनिषा सामान्य घाइते भएका र उनीहरुको हात्तीवाङ काउले स्वास्थ्य केन्द्रमा उपचार भइरहेको प्रहरीले जनाएको छ ।
छोरा रामबहादुरको भने हातखुट्टा, पेट र अनुहार डढेको तथा उनको आधारभूत अस्पताल कुरिनटारमा उपचार जारी छ । चट्याङबाट एक कोठे कच्ची घर पनि जलेर नष्ट भएको प्रहरीले जनाएको छ ।
Leave a Reply