काठमाडौं । नेपाल प्रहरीको प्राविधिकतर्फको एसपी पदमा डीएसपी कमला लामा बढुवा सिफारिस भएकी छिन् ।

बढुवा समितिको बुधबारको बैठकले रिक्त रहेको एक पदमा उनलाई बढुवाका लागि सिफारिस गरेको हो ।

प्राविधिक प्रहरी समूह, स्वास्थ्य उपसमूह नर्सिङ्गतर्फकी डीएसपी लामालाई सो उपसमूहको एसपी पदमा बढुवा गरिएको प्रहरी प्रधान कार्यालयले जनाएको छ ।

उनी नेपाल प्रहरी अस्पताल नर्सिङ विभाग महाराजगंजमा कार्यरत छिन् ।