काठमाडौं । नेपालले भारतमा जारी एसएमएस फ्रेन्डसिप टी-२० कपमा बरोडासँग आफ्नो तेस्रो विकेट गुमाएको छ ।
भारतको स्टेट टीम बरोडासँग टस हारेर ब्याटिङ गरिरहेको नेपालले १० ओभरमा ६० रन बनाउँदै तेस्रो विकेट गुमाएको हो ।
नेपालका ओपनर कुशल भुर्तेल, कप्तान रोहित पौडेल र आसिफ शेख आउट भएका हुन् । कुशल तीव्र गतिका बलर बाबा खानको तेस्रो ओभरको अन्तिम बलमा विकेटकिपर अमित पासीबाट ११ बलमा १ चौकासहित ९ रनमा क्याच आउट हुन पुगे ।
पाँचौं ओभरको दोस्रो बलमा बाबाले नै आसिफ शेखलाई ९ रनमा कप्तान विष्णु सोलांकीबाट मिडअफमा क्याच आउट गराए । उनले १२ बलमा १ चौका प्रहार गरे । अहिलेनेपालका अनिल शाह र गुल्सन झा क्रिजमा छन् ।
नेपालले पहिलो खेलमा गुजरातलाई ८ विकेटले पराजित गरेको थियो । गुजरातले सोमबार बरोडालाई ५ विकेटले हराएको थियो । नेपालले पहिलो खेलबाट टोलीमा कुनै परिवर्तन गरेको छैन ।
Leave a Reply