सिन्धुपाल्चोक । नेकपा एमाले सिन्धुपाल्चोकको १०औ जिल्ला अधिवेशनबाट अधयक्षमा होमनारायण श्रेष्ठ विजयी भएका छन् ।

आज सार्वजनिक भएको अन्तिम मत परिणामअनुसार गाउँपालिका महासंघका पूर्व अध्यक्षसमेत रहेका श्रेष्ठले अर्का उम्मेदवार निवर्तमान अध्यक्ष कमल नेपाललाई १४ मत अन्तरले पराजित गर्दै अध्यक्षमा निर्वाचित भएका हुन् ।

श्रेष्ठले ३ सय ६३ मत ल्याएका थिए भने नेपालले ३ सय ४९ मत ल्याएका थिए। उपाध्यक्षमा नेपाल प्यानलका अर्जुन भण्डारी निर्वाचित भएका छन्। भण्डारीले ३ सय ४५ मत पाउदा उनका प्रतिष्पर्धी श्रेष्ठ प्यानलका विष्णुमणी आचार्यले ३ सय ७ मत ल्याएका थिए।

त्यस्तै सचिवमा पनि नेपाल प्यानलकै कृष्णगोपाल तामाङ निर्वाचित भएका छन् । शुक्रबारदेखि सुरु भएको अधिवेशनमा नयाँ नेतृत्व छनोटका लागि सोमबार निर्वाचन भएको थियो ।