एमाले केन्द्रीय कमिटी बैठकको तेस्रो दिन सुरु, ओलीको प्रतिवेदनमाथि अन्तिम छलफल

अनलाइन नेपाल

शुक्रवार , आश्विन ३१, २०८२

एमाले केन्द्रीय कमिटी बैठकको तेस्रो दिन सुरु, ओलीको प्रतिवेदनमाथि अन्तिम छलफल

काठमाडौं । नेकपा एमालेको १०औँ केन्द्रीय कमिटी बैठकको तेस्रो दिनको कार्यसत्र ललितपुरको जावलाखेलस्थित पार्टी कार्यालयमा सुरु भएको छ ।

आजको बैठकमा अध्यक्ष केपी शर्मा ओलीले प्रस्तुत गरेको राजनीतिक प्रतिवेदनमाथि बाँकी रहेका केन्द्रीय सदस्य र पदाधिकारीहरूले आ–आफ्नो धारणा राख्ने कार्यक्रम छ ।

एमाले प्रचार तथा प्रकाशन विभागका प्रमुख राजेन्द्र गौतमका अनुसार असोज २९ र ३० गते दुई दिन चलेको छलफलमा करिब २०० केन्द्रीय सदस्यले आफ्नो विचार प्रस्तुत गरिसकेका छन् । बाँकी सदस्य र पदाधिकारीहरूले आज प्रतिवेदनमाथि प्रतिक्रिया दिनेछन्।

गौतमले जानकारी दिएअनुसार आजको बैठकमा पोलिटब्युरो, स्थायी कमिटी र पदाधिकारी तहका ९९ नेताहरूले धारणा राख्नेछन्। प्रत्येक वक्तालाई तीन मिनेटको समय सीमित गरिएको छ।

सबै धारणा सुनेपछि अध्यक्ष ओलीले प्रतिवेदनमा आएका सुझावहरूको एकमुष्ट जवाफ र निर्देशन दिने तयारी गरेका छन्। त्यसपछि बैठक समापन गरिने बताइएको छ।

सम्बन्धित न्युज

प्रतिक्रिया दिनुहोस्

नयाँ अपडेट

थप नयाँ अपडेट

एमाले केन्द्रीय कमिटी बैठकको तेस्रो दिन सुरु, ओलीको प्रतिवेदनमाथि अन्तिम छलफल