एजेन्सी । अमेरिकाको मिनेसोटा राज्यस्थित मिनियापोलिस शहरमा संघीय इमिग्रेशन अधिकारीहरूले चलाएको गोलीबाट एक व्यक्तिको मृत्यु भएको छ ।
मिनेसोटाका सिनेटरहरूले मृतकको पहिचान एलेक्स प्रेट्टी का रूपमा गरेका छन् । उनी ३७ वर्षका थिए, मिनियापोलिसकै बासिन्दा थिए, पेशाले नर्स थिए र अमेरिकी नागरिक समेत थिए।
यो घटना त्यही शहरमा तीन हप्ताभन्दा कम समयअघि अर्का अमेरिकी नागरिक रेनी गुड को पनि एक इमिग्रेशन एजेन्टको गोलीबाट मृत्यु भएको घटनापछि भएको हो ।
होमल्यान्ड सेक्युरिटीकी सचिव क्रिस्टी नोएम ले एजेन्टहरूले ‘आत्मरक्षाका लागि गोली चलाएको’ दाबी गरेकी छन्। उनका अनुसार प्रेट्टीले कथित रूपमा ‘हिंसात्मक प्रतिक्रिया’ दिएका थिए। मृत्युपछि शहरभर प्रदर्शन सुरु भएको छ।