Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
शुक्रवार , माघ १६, २०८२
काठमाडौं । नेकपा एमालेका सचिव महेश बस्नेतले पार्टी अध्यक्ष एवं पूर्वप्रधानमन्त्री केपी शर्मा ओलीमाथि हत्या गरेको आरोप लगाउने षड्यन्त्र भइरहेको बताएका छन् ।
शुक्रबार काठमाडौंमा आयोजित राष्ट्रिय युवा परिषद्को प्रथम बैठकलाई सम्बोधन गर्दै बस्नेतले राजनीतिक नेतृत्वमाथि व्यक्ति हत्यासम्मको आरोप थोपर्ने गतिविधिहरु भइरहेको बताएका हुन् ।
बस्नेतले तत्कालीन प्रधानमन्त्री ओलीले मृतकका परिवारलाई क्षतिपूर्ति दिने र शहीद घोषणा गर्ने निर्णय गरेको बताए ।
जेनजी आन्दोलनको क्रममा २३ जनाको मृत्यु भएको स्मरण गराउँदै बस्नेतले भने- 'आज पूर्वप्रधानमन्त्रीलाई व्यक्ति हत्याको आरोप लगाउने प्रपञ्च गरिँदैछ। अध्यक्षज्यूले मन्त्रिपरिषद् बैठक बोलाएर मृतकका आफन्तलाई क्षतिपूर्ति दिने र उनीहरूलाई शहीद घोषणा गर्ने निर्णय गरे। मुलुकमा भएको ध्वंसको सबै हिसाबकिताब गरिनेछ ।'
उनले भदौ २४ गते संविधान र सुरक्षा निकायहरू हाइज्याक गरेर देशलाई ध्वस्त पार्ने षड्यन्त्र भएको टिप्पणी पनि गरे ।
उनले राष्ट्रिय स्वतन्त्र पार्टीका सभापति रवि लामिछानेसँगै देशभरबाट १४ हजार कैदी भागेको उल्लेख गर्दै, भागेकामध्ये दुई जनाको मृत्यु र दुई जनाले आमा तथा श्रीमतीको हत्या गरेको घटनाको जिम्मेवारी सभापति लामिछाने र बालेन्द्र साहले लिनुपर्ने बताए ।
© 2026 All right reserved to onlinenepal.com
Design & Developed By
