Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
शनिवार , माघ २४, २०८२
काठमाडौं । जबरजस्ती करणी मुद्दामा फरार रहेका एक पूर्वप्रहरी जवान पक्राउ परेका छन् ।
पक्राउ पर्नेमा दार्चुला नौगाड गाउँपालिका वडा नं. २ सुन्डमुन्ड स्थायी घर भएका २६ वर्षीय भूपेन्द्र सिंह ठगुन्ना रहेका छन् ।
शुक्रबार काठमाडौं उपत्यका अपराध अनुसन्धान कार्यालयको प्रहरी टोलीले ठगुन्नालाई बैंग्लोरबाट पक्राउ गरेको हो ।
जाजरकोटकी एक २५ वर्षीया युवतीले २५ मंसिर २०८० मा भुपेन्द्र सिंह विरुद्ध जबरजस्ती करणीको मुद्दा दर्ता गराएकी थिइन् ।
त्यतिबेला प्रहरी कर्मचारी रहेका ठगुन्ना निलम्बित भए र जिल्ला अदालतले उनलाई २ लाख ५ हजार रुपैयाँ धरौटीमा छाडेको थियो ।
आफूलाई विवाह गर्ने आश्वासन दिएर पुन: जबरजस्ती करणी गरी फरार भएको भन्दै ती महिलाले ७ असोजमा प्रहरीमा जबरजस्ती करणीको जाहेरी दिएकी थिइन् । जाहेरी पछि पनि ती ७ महिनाकी गर्भवती महिला विगत ३ महिनादेखि सिंहदरबार लगायत विभिन्न स्थानमा अनसन र धर्नामा बसेकी थिइन् ।
जबरजस्ती करणीको जाहेरी परेपछि आरोपित भूपेन्द्र सिंह ठगुन्ना भागेर भारतको बैंगलोर पुगेका थिए ।
भारत पुगेका ठगुन्ना २१ साउनदेखि कार्यालयमा हाजिर हुन नगएपछि कोशी प्रदेश प्रहरी कार्यालयले १४ कात्तिकमा भुपेन्द्रलाई सेवाबाट हटाएको थियो ।
शुक्रबार पक्राउ परेपछिभुपेन्द्रलाई थप अनुसन्धान तथा आवश्यक कारबाहीका लागि जिल्ला प्रहरी कार्यालय वीरेन्द्रनगर, सुर्खेत पठाइएको जिल्ला प्रहरी कार्यालयले जनाएको छ।
© 2026 All right reserved to onlinenepal.com
Design & Developed By
