Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
बिहिवार, जेठ २१ गते २०८३
Jun 04 2026 | २०८३, जेठ २१ गते
04 Jun 2026 | बिहिवार, जेठ २१ गते २०८३
आइतवार , चैत्र २२, २०८२
काठमाडौं । नेकपा एमालेका सचिव महेश बस्नेतले गुण्डागर्दीको आरोपमा पक्राउ परेका युवा संघ सचिबालय सदस्य वकिल बमलाई रिहा गर्न माग गरेका छन् । बम शुक्रबार राती पक्राउ परेका थिए ।
सामाजिक सञ्जाल फेसबुकमा स्टाटस लेख्दै सचिव बस्नेतले व्यवसायीमागि गुण्डागर्दीको आरोप लगाएको पनि दावी गरेका छन् ।
बस्नेतले विना कारण र विना प्रमाण नियन्त्रणमा लिनु कानूनी शासनविपरीत र नागरिक स्वतन्त्रतामाथिको प्रहार भएको पनि बताएका छन् ।
बस्नेतले भनेका छन्–‘हिजो राति करिब १० बजे सादा पोशाकका ४–५ जना प्रहरीले “केही समयका लागि” भन्दै उहाँलाई नियन्त्रणमा लिएको र कालिमाटी प्रहरी वृत्तमा थुनेको छ ।
न कुनै झैझगडा भएको थियो, न कुनै उजुरी वा न कुनै पुरानो केस थियो। ठमेलमा व्यवसाय गरेकै कारण ‘गुन्डागर्दीको आरोप लगाएर
विना कारण र विना प्रमाण नियन्त्रणमा लिनु कानूनी शासनविपरीत र नागरिक स्वतन्त्रतामाथिको प्रहार हो।
योघटनाले राजनीतिक उद्देश्यको संकेत गर्छ।यस प्रकारको कार्यशैली तुरुन्त अन्त्य गरी उहाँलाई अविलम्ब रिहा गर्न माग गर्दछौं ।’
बम गुण्डागर्दी गरेको आरोपमा पक्राउ परेका हुन् । अपराध अनुसन्धान कार्यालयले गुण्डागर्दीमा संलग्नहरूलाई पक्राउ गर्ने क्रममा बम पनि परेका हुन् ।
युवा संघको कार्यालय टिममा बसेर काम गरिरहेका उनी शुक्रबार राति पक्राउ परेका हुन् । अपराध अनुसन्धान कार्यालयले उनीसहित १३ जनालाई नियन्त्रणमा लिएको थियो ।
कालिकोटको पलाता गाउँपालिका स्थायी घर भएका उनी ठमेल क्षेत्रमा सक्रिय रहँदै आएका थिए ।
© 2026 All right reserved to onlinenepal.com
Design & Developed By
