Jun 27 2026 | २०८३, आषाढ १३ गते
27 Jun 2026 | शनिवार, आषाढ १३ गते २०८३
शनिवार, आषाढ १३ गते २०८३
Jun 27 2026 | २०८३, आषाढ १३ गते
27 Jun 2026 | शनिवार, आषाढ १३ गते २०८३
शनिवार , आषाढ १३, २०८३
धनगढी । कैलालीका विभिन्न स्थानबाट लागुऔषध (खैरो हेरोइन) सहित ६ जनाजना पक्राउ परेका छन् । जिल्ला प्रहरी कार्यालय कैलालीका अनुसार उनीहरु शुक्रबार छुट्टाछुट्टै स्थानबाट पक्राउ परेका हुन् ।
गोदावरी नगरपालिका–८ स्याउलेबाट अवैध लागूऔषध खैरो हेरोइनजस्तो देखिने १९० मिलिग्राम पदार्थसहित स्थानीय १८ वर्षीय एक किशोर शुक्रबार बिहान पक्राउ परेका छन् ।
इलाका प्रहरी कार्यालय मालाखेतीबाट खटिएको टोलीले शंकास्पद गतिविधिका आधारमा जाँच गर्दा लागूऔषध फेला पारेको हो ।
त्यसैगरी धनगढी उपमहानगरपालिका–२ मिलनचोकबाट खैरो हेरोइनजस्तो देखिने १ ग्राम ६० मिलिग्राम पदार्थसहित तीन जना पक्राउ परेका छन्।
पक्राउ पर्नेमा गोदावरी नगरपालिका–७ का १९ वर्षीय भोजराज ओझा, १९ वर्षीय अर्जुन नेपाली र १९ वर्षीय विष्णु खत्री रहेका छन्। उनीहरूलाई प्रहरी चौकी त्रिनगरबाट खटिएको टोलीले नियन्त्रणमा लिएको हो ।
यस्तै टिकापुर नगरपालिका–९ खक्रौलाबाट पनि खैरो हेरोइनजस्तो देखिने ४०० मिलिग्राम धुलो पदार्थसहित दुईजना पक्राउ परेका छन् ।
पक्राउ पर्नेमा बर्दियाको राजापुर नगरपालिका–८ का २७ वर्षीय अरुण चौधरी र २७ वर्षीय धनप्रसाद अधिकारी रहेका छन् ।
प्रहरी चौकी कालाकुण्डाबाट खटिएको टोलीले शंकाका आधारमा चेकजाँच गर्दा उनीहरूको साथबाट लागूऔषध बरामद गरेको जनाएको छ ।
पक्राउ परेका सबैमाथि लागूऔषधसम्बन्धी कसुरमा थप अनुसन्धान भइरहेको कैलाली प्रहरीले जनाएको छ।
© 2026 All right reserved to onlinenepal.com
Design & Developed By
