Jul 08 2026 | २०८३, आषाढ २४ गते
08 Jul 2026 | बुधवार, आषाढ २४ गते २०८३
बुधवार, आषाढ २४ गते २०८३
Jul 08 2026 | २०८३, आषाढ २४ गते
08 Jul 2026 | बुधवार, आषाढ २४ गते २०८३
मंगलवार , आषाढ २३, २०८३
काठमाडौं । डिफेन्डिङ च्याम्पियन अर्जेन्टिना दुई गोलले पछि परेको अवस्थाबाट अविस्मरणीय पुनरागमन गर्दै क्वाटरफाइनलमा प्रवेश गरेको छ।
राउन्ड अफ १६ मा इजिप्ट लाई ३–२ ले पराजित गर्दै अर्जेन्टिनाले उपाधि यात्रालाई निरन्तरता दिएको हो।
खेलको १५औँ मिनेटमा यासिर इब्राहिम ले गोल गर्दै इजिप्टलाई सुरुआती अग्रता दिलाए।
त्यसपछि १९औँ मिनेटमा अर्जेन्टिनाले पेनाल्टीको अवसर पाए पनि कप्तान लियोनल मेस्सी गोल गर्न असफल रहे, जसका कारण पहिलो हाफ इजिप्ट १–० ले अगाडि रह्यो।
दोस्रो हाफमा इजिप्टले थप दबाब बनायो। ५७औँ मिनेटमा मोस्ताफा जिको को गोल भीएआरबाट अघिल्लो फाउल पुष्टि भएपछि रद्द भयो। तर उनले ६६औँ मिनेटमा फेरि गोल गर्दै इजिप्टलाई २–० को बलियो अवस्थामा पुर्याए।
७७औँ मिनेटसम्म दुई गोलले पछि परेको अर्जेन्टिनाले त्यसपछि अविश्वसनीय पुनरागमन गर्यो। ७८औँ मिनेटमा क्रिस्टियन रोमेरो ले गोल गर्दै अन्तर घटाए। त्यसको पाँच मिनेटपछि मेस्सीले बराबरी गोल गर्दै खेललाई २–२ मा ल्याए।
रोमाञ्चक बनेको खेलको इन्जुरी समयको ९२औँ मिनेटमा इन्जो फर्नान्डेज ले निर्णायक गोल गर्दै अर्जेन्टिनालाई ३–२ को सनसनीपूर्ण जित दिलाए।
यस जितसँगै अर्जेन्टिनाले क्वाटरफाइनलमा स्थान सुरक्षित गरेको छ। अब उसले स्विट्जरल्याण्ड र कोलम्बिया बीचको विजेतासँग सेमिफाइनल प्रवेशका लागि प्रतिस्पर्धा गर्नेछ।
© 2026 All right reserved to onlinenepal.com
Design & Developed By
