Jul 13 2026 | २०८३, आषाढ २९ गते
13 Jul 2026 | सोमवार, आषाढ २९ गते २०८३
सोमवार, आषाढ २९ गते २०८३
Jul 13 2026 | २०८३, आषाढ २९ गते
13 Jul 2026 | सोमवार, आषाढ २९ गते २०८३
आइतवार , आषाढ २८, २०८३
काठमाडौं । राहदानी विभाग अगाडि भएको आत्मदाह घटनाको अनुसन्धानका क्रममा प्रहरीले सोधपुछ गरेका सबै व्यक्तिलाई छाडेको जनाएको छ।
जिल्ला प्रहरी परिसर काठमाडौंका अनुसार घटनासँग सम्बन्धित विषयमा जानकारी लिन बोलाइएका महानगर प्रहरी मिना नगरकोटी, मिना तामाङ र एक पुरुष महानगर प्रहरी कर्मचारीसँग बयान लिएर रिहा गरिएको हो।
प्रहरीका अनुसार त्रिपुरेश्वरस्थित राहदानी विभाग परिसरमा मोटरसाइकलमा लगाइएको ह्वीललक हटाउने विषयमा महानगर प्रहरीसँग विवाद भएपछि गणेश नेपालीले शरीरमा पेट्रोल छर्केर आगो लगाएका थिए। घटनापछि उनलाई उपचारका लागि वीर अस्पताल लगिएकोमा उपचारकै क्रममा शुक्रबार मृत्यु भएको थियो।
घटनाबारे थप विवरण संकलन गर्ने क्रममा प्रहरीले महानगर प्रहरी र घटनाका प्रत्यक्षदर्शीहरूसँग सोधपुछ गरेको थियो। उनीहरूसँग आवश्यक जानकारी लिएर तथा घटनासम्बन्धी कागजी विवरण तयार गराएपछि छाडिएको प्रहरीले जनाएको छ।
प्रहरीले घटनाको थप अनुसन्धान प्रक्रिया भने जारी रहेको जनाएको छ।
यसेगरी घटनाको छानबिन गर्न काठमाडौं उपत्यका प्रहरी कार्यालय रानिपोखरीमा कार्यरत डीआईजी गोविन्द थपलियाको कमाण्डमा पाँच सदस्यीय समिति समेत बनाइएको छ ।
© 2026 All right reserved to onlinenepal.com
Design & Developed By
