विराटनगर । सामूहिक बलात्कार आरोपमा प्रहरीले दुई जनालाई पक्राउ गरेको छ ।

इलाका प्रहरी कार्यालय उर्लाबारीले १७ वर्षकी किशोरीमाथि भएको सामूहिक बलात्कार आरोपमा उर्लाबारी नगरपालिका– ५ का ३० वर्षका प्रदीप खतिवडा र २१ वर्षका भेषराज आचार्यलाई पक्राउ गरेको हो ।

प्रहरीका अनुसार २७ फगुनमा दिउँसो करिब ३ बजे किशोरी घरमा एक्लै भएको अवस्थामा छिमेकी दुई युवकले बलात्कार गरेका हुन् । मोरङका प्रहरी नायव उपरीक्षक मानबहादुर राईका अनुसार किशोरी गर्भवती भएपछि घटना बाहिर आएको हो ।

किशोरीलाई घटना कसैलाई सुनाए मार्ने धम्की दिएका कारण करिब चार महिना घटना बाहिर आएको थिएन । तर किशारी गर्भवती रहेको खुलेपछि आफन्त सोमबार इलाका प्रहरी कार्यालय उर्लाबारीमा उजुरी दिन गएका थिए ।