काठमाडाैँ । एक फरार प्रतिवादी १६ बर्षपछि पक्राउ परेकाे छ।

पक्राउ पर्नेमा मकवानपुर हेटौडा उ.म.न.पा. वडा नं. ७ नागसोती बस्ने ३९ बर्षीय जगन्नाथ ढकाल रहेका छन्।

प्रतिवादी ढकाल समेतका व्यक्तिहरुको समुहले मिति २०६१ असाेज ७ गते काठमाण्डौको जडिवुटीमा पिडितलाई नियन्त्रणमा लिई मुखमा टेप लगाई वोल्न कराउन नदिई जवरजस्ती भ्यानमा राखी एकान्तस्थानमा लगी पिडितको साथमा रहेको नगद र मोटरसाईकल लुटेका थिए।

प्रहरीका अनुसार मोवाइल समेत गरी जम्मा रु.११ लाख ६३ हजार ९ सय बराबरको धनमाल ढकाल समुहले लुटेका थिए। लुटपाट गरेदेखि ढकाल फरार रही विदेशमा गई बसेको र पछिल्लो समयमा नेपाल आई लुकिछिपी बसेको अवस्थामा अपराध महाशाखाबाट खटिएको विशेष टोलीले उनलाइ साेमबार पक्राउ गरेकाे हाे।