रुपन्देही। पछिल्ला केही दिनयता कोरोना भाइरसको संक्रमण बढ्दै गएको पाइएको छ।

छिमेकी मुलुक भारतमा कोरोना भाइरसको महामारी भएसँगै नेपालमा पनि त्यसको प्रत्यक्ष असर परेको देखिन्छ । त्यस असरको उदाहरण बनेको छ बुटवल अस्पताल।

यसैबीच,आज बिहान जिल्लाको बुटवलस्थित कोरोना विशेष अस्पतालमा २ जनाको मृत्यु भएको छ ।

मृत्यु हुनेमा प्यूठान जिल्लाको स्वर्गद्वारी–९ का ४३ वर्षीय पुरुष र जिल्लाकै–१ की ७१ वर्षीया महिला रहेको अस्पतालका प्रवक्ता डा। विष्णु गौतमले जानकारी दिए।

गत चैत १० गते पीसीआर रिपोर्ट पोजिटिभ देखिएपछि अस्पतालमा भर्ना गरिएका पुरुषको आज बिहान ५ बजे मृत्यु भएको हो भने चैत २३ गते भर्ना भएकी महिलाको बिहान ७ बजेर २३ मिनेटमा मृत्यु भएको गौतमले बताए।

मृत्यु हुनेहरु दुवै जनामा निमोनियाको समस्या रहेको गौतमले जानकारी दिए । अहिले अस्पतालमा ७ जना संक्रमित उपचाररत रहेका छन् ।