काठमाडौँ । नेकपा एमालेका नेता बामदेव गौतम र उपप्रधानमन्त्री विष्णु पौडेलबीच भेटवार्ता भएको छ ।

प्रधानमन्त्रीसमेत रहेका नेकपा एमालेका अध्यक्ष केपी शर्मा ओलीले असन्तुष्ट माधव नेपाल पक्षसहितको स्थायी कमिटी बैठक बोलाउने तयारी गरिरहेको बेला दुवै नेताबीच भेटवार्ता भएको हो ।

पौडेलले नेता गौतमलाई भैंसेपाटीस्थित निवासमा भेटेका हुन्। गौतमले यसअघि माधव नेपाल पक्षले नयाँ पार्टी खोले साथ दिने घोषणा गरेका थिए। गौतमलाई मनाउन ओलीको दूत बनेर पौडेल उनको निवासमा गएको बताइएको छ ।