काठमाडौं। महानगरीय अपराध महाशाखाले बैंकिङ कसुरको मुद्दामा १६ लाख रुपैयाँ जरिवाना र ७ दिन कैद सजाय सुनाइएका फरार महिलालाई पक्राउ गरेको छ।

पक्राउ पर्नेमा कैलालीको गौरीगंगा  नगरपालिका–६ घर भई काठमाडौं बस्दै आएकी ३२ वर्षीया जस्मिन झा रहेकी छिन् । उनलाई महाशाखाले मंगलबार गहना पोखरीबाट पक्राउ गरेको हो ।

महाशाखाका अनुसार आरोपित झा बैंकिङ कसुरको जाहेरीमा दोषी ठहर भएकी थिइन् । २०७७ चैत ११ गते उच्च अदालत पाटनले उनलाई दोही ठहर गर्दै १६ लाख जरिवाना र ७ दिन कैदको सजाय सुनाएको थियो ।

पक्राउ परेकी झालाई फैसला कार्यान्वयका लागि जिल्ला अदालतमा काठमाडौंमा उपस्थित गराइ कारागार पठाइएको महाशाखाले जनाएको छ।